ยสฺส จิตฺตสฺส อนนฺตรา อุเปกฺขาสมฺปยุตฺตปจฺฉิมจิตฺตํ อุปฺปชฺชิสฺสติ เตสํ โสมนสฺสินฺทฺริยํ น อุปฺปชฺชิสฺสติ, โน จ เตสํ มนินฺทฺริยํ น อุปฺปชฺชิสฺสติฯ ปจฺฉิมจิตฺตสมงฺคีนํ เตสํ โสมนสฺสินฺทฺริยญฺจ น อุปฺปชฺชิสฺสติ มนินฺทฺริยญฺจ น อุปฺปชฺชิสฺสติฯ
ยสฺส วา ปน มนินฺทฺริยํ น อุปฺปชฺชิสฺสติ ตสฺส โสมนสฺสินฺทฺริยํ น อุปฺปชฺชิสฺสตีติ? อามนฺตาฯ (โสมนสฺสินฺทฺริยมูลกํ)
[314] ยสฺส อุเปกฺขินฺทฺริยํ น อุปฺปชฺชิสฺสติ ตสฺส สทฺธินฺทฺริยํ…เป.… ปญฺญินฺทฺริยํ…เป.… มนินฺทฺริยํ น อุปฺปชฺชิสฺสตีติ?
ยสฺส จิตฺตสฺส อนนฺตรา โสมนสฺสสมฺปยุตฺตปจฺฉิมจิตฺตํ อุปฺปชฺชิสฺสติ เตสํ อุเปกฺขินฺทฺริยํ น อุปฺปชฺชิสฺสติ, โน จ เตสํ มนินฺทฺริยํ น อุปฺปชฺชิสฺสติฯ ปจฺฉิมจิตฺตสมงฺคีน เตสํ อุเปกฺขินฺทฺริยญฺจ น อุปฺปชฺชิสฺสติ มนินฺทฺริยญฺจ น อุปฺปชฺชิสฺสติฯ
ยสฺส วา ปน มนินฺทฺริยํ น อุปฺปชฺชิสฺสติ ตสฺส อุเปกฺขินฺทฺริยํ น อุปฺปชฺชิสฺสตีติ? อามนฺตาฯ (อุเปกฺขินฺทฺริยมูลกํ)
[315] ยสฺส สทฺธินฺทฺริยํ น อุปฺปชฺชิสฺสติ ตสฺส ปญฺญินฺทฺริยํ…เป.… มนินฺทฺริยํ น อุปฺปชฺชิสฺสตีติ? อามนฺตาฯ
ยสฺส วา ปน มนินฺทฺริยํ น อุปฺปชฺชิสฺสติ ตสฺส สทฺธินฺทฺริยํ น อุปฺปชฺชิสฺสตีติ? อามนฺตาฯ (สทฺธินฺทฺริยมูลกํ)
[316] (ก) ยสฺส ปญฺญินฺทฺริยํ น อุปฺปชฺชิสฺสติ ตสฺส มนินฺทฺริยํ น อุปฺปชฺชิสฺสตีติ? อามนฺตาฯ
(ข) ยสฺส วา ปน มนินฺทฺริยํ น อุปฺปชฺชิสฺสติ ตสฺส ปญฺญินฺทฺริยํ น อุปฺปชฺชิสฺสตีติ? อามนฺตาฯ (ปญฺญินฺทฺริยมูลกํ)
(ง) ปจฺจนีกโอกาโส
[317] (ก) ยตฺถ จกฺขุนฺทฺริยํ น อุปฺปชฺชิสฺสติ ตตฺถ โสตินฺทฺริยํ น อุปฺปชฺชิสฺสตีติ? อามนฺตาฯ
(ข) ยตฺถ วา ปน โสตินฺทฺริยํ น อุปฺปชฺชิสฺสติ ตตฺถ จกฺขุนฺทฺริยํ น อุปฺปชฺชิสฺสตีติ? อามนฺตาฯ
(ก) ยตฺถ จกฺขุนฺทฺริยํ น อุปฺปชฺชิสฺสติ ตตฺถ ฆานินฺทฺริยํ น อุปฺปชฺชิสฺสตีติ? อามนฺตาฯ
(ข) ยตฺถ วา ปน ฆานินฺทฺริยํ น อุปฺปชฺชิสฺสติ ตตฺถ จกฺขุนฺทฺริยํ น อุปฺปชฺชิสฺสตีติ?
รูปาวจเร ตตฺถ ฆานินฺทฺริยํ น อุปฺปชฺชิสฺสติ, โน จ ตตฺถ จกฺขุนฺทฺริยํ น อุปฺปชฺชิสฺสติฯ อสญฺญสตฺเต อรูเป ตตฺถ ฆานินฺทฺริยญฺจ น อุปฺปชฺชิสฺสติ จกฺขุนฺทฺริยญฺจ น อุปฺปชฺชิสฺสติฯ
ยตฺถ จกฺขุนฺทฺริยํ น อุปฺปชฺชิสฺสติ ตตฺถ อิตฺถินฺทฺริยํ…เป.… ปุริสินฺทฺริยํ น อุปฺปชฺชิสฺสตีติ? อามนฺตาฯ
ยตฺถ วา ปน ปุริสินฺทฺริยํ น อุปฺปชฺชิสฺสติ ตตฺถ จกฺขุนฺทฺริยํ น อุปฺปชฺชิสฺสตีติ?
รูปาวจเร ตตฺถ ปุริสินฺทฺริยํ น อุปฺปชฺชิสฺสติ, โน จ ตตฺถ จกฺขุนฺทฺริยํ น อุปฺปชฺชิสฺสติฯ อสญฺญสตฺเต อรูเป ตตฺถ ปุริสินฺทฺริยญฺจ น อุปฺปชฺชิสฺสติ จกฺขุนฺทฺริยญฺจ น อุปฺปชฺชิสฺสติฯ
(ก) ยตฺถ จกฺขุนฺทฺริยํ น อุปฺปชฺชิสฺสติ ตตฺถ ชีวิตินฺทฺริยํ น อุปฺปชฺชิสฺสตีติ? อุปฺปชฺชิสฺสติฯ
(ข) ยตฺถ วา ปน ชีวิตินฺทฺริยํ น อุปฺปชฺชิสฺสติ ตตฺถ จกฺขุนฺทฺริยํ น อุปฺปชฺชิสฺสตีติ? นตฺถิฯ
(ก) ยตฺถ จกฺขุนฺทฺริยํ น อุปฺปชฺชิสฺสติ ตตฺถ โสมนสฺสินฺทฺริยํ น อุปฺปชฺชิสฺสตีติ? อามนฺตาฯ
(ข) ยตฺถ วา ปน โสมนสฺสินฺทฺริยํ น อุปฺปชฺชิสฺสติ ตตฺถ จกฺขุนฺทฺริยํ น อุปฺปชฺชิสฺสตีติ? อามนฺตาฯ
(ก) ยตฺถ จกฺขุนฺทฺริยํ น อุปฺปชฺชิสฺสติ ตตฺถ อุเปกฺขินฺทฺริยํ น อุปฺปชฺชิสฺสตีติ?
อรูเป ตตฺถ จกฺขุนฺทฺริยํ น อุปฺปชฺชิสฺสติ, โน จ ตตฺถ อุเปกฺขินฺทฺริยํ น อุปฺปชฺชิสฺสติฯ อสญฺญสตฺเต ตตฺถ จกฺขุนฺทฺริยญฺจ น อุปฺปชฺชิสฺสติ อุเปกฺขินฺทฺริยญฺจ น อุปฺปชฺชิสฺสติฯ
(ข) ยตฺถ วา ปน อุเปกฺขินฺทฺริยํ น อุปฺปชฺชิสฺสติ ตตฺถ จกฺขุนฺทฺริยํ น อุปฺปชฺชิสฺสตีติ? อามนฺตาฯ
ยตฺถ จกฺขุนฺทฺริยํ น อุปฺปชฺชิสฺสติ ตตฺถ สทฺธินฺทฺริยํ…เป.… ปญฺญินฺทฺริยํ…เป.… มนินฺทฺริยํ น อุปฺปชฺชิสฺสตีติ?
อรูเป ตตฺถ จกฺขุนฺทฺริยํ น อุปฺปชฺชิสฺสติ, โน จ ตตฺถ มนินฺทฺริยํ น อุปฺปชฺชิสฺสติฯ อสญฺญสตฺเต ตตฺถ จกฺขุนฺทฺริยญฺจ น อุปฺปชฺชิสฺสติ มนินฺทฺริยญฺจ น อุปฺปชฺชิสฺสติฯ
ยตฺถ วา ปน มนินฺทฺริยํ น อุปฺปชฺชิสฺสติ ตตฺถ จกฺขุนฺทฺริยํ น อุปฺปชฺชิสฺสตีติ? อามนฺตาฯ (จกฺขุนฺทฺริยมูลกํ)
[318] ยตฺถ ฆานินฺทฺริยํ น อุปฺปชฺชิสฺสติ ตตฺถ อิตฺถินฺทฺริยํ…เป.… ปุริสินฺทฺริยํ น อุปฺปชฺชิสฺสตีติ? อามนฺตาฯ
ยตฺถ วา ปน ปุริสินฺทฺริยํ น อุปฺปชฺชิสฺสติ ตตฺถ ฆานินฺทฺริยํ น อุปฺปชฺชิสฺสตีติ? อามนฺตาฯ
(ก) ยตฺถ ฆานินฺทฺริยํ น อุปฺปชฺชิสฺสติ ตตฺถ ชีวิตินฺทฺริยํ น อุปฺปชฺชิสฺสตีติ? อุปฺปชฺชิสฺสติฯ
(ข) ยตฺถ วา ปน ชีวิตินฺทฺริยํ น อุปฺปชฺชิสฺสติ ตตฺถ ฆานินฺทฺริยํ น อุปฺปชฺชิสฺสตีติ? นตฺถิฯ
(ก) ยตฺถ ฆานินฺทฺริยํ น อุปฺปชฺชิสฺสติ ตตฺถ โสมนสฺสินฺทฺริยํ น อุปฺปชฺชิสฺสตีติ?
รูปาวจเร ตตฺถ ฆานินฺทฺริยํ น อุปฺปชฺชิสฺสติ, โน จ ตตฺถ โสมนสฺสินฺทฺริยํ น อุปฺปชฺชิสฺสติฯ
อสญฺญสตฺเต อรูเป ตตฺถ ฆานินฺทฺริยญฺจ น อุปฺปชฺชิสฺสติ โสมนสฺสินฺทฺริยญฺจ น อุปฺปชฺชิสฺสติฯ
(ข) ยตฺถ วา ปน โสมนสฺสินฺทฺริยํ น อุปฺปชฺชิสฺสติ ตตฺถ ฆานินฺทฺริยํ น อุปฺปชฺชิสฺสตีติ? อามนฺตาฯ
(ก) ยตฺถ ฆานินฺทฺริยํ น อุปฺปชฺชิสฺสติ ตตฺถ อุเปกฺขินฺทฺริยํ น อุปฺปชฺชิสฺสตีติ?
รูปาวจเร อรูปาวจเร ตตฺถ ฆานินฺทฺริยํ น อุปฺปชฺชิสฺสติ โน จ ตตฺถ อุเปกฺขินฺทฺริยํ น อุปฺปชฺชิสฺสติฯ อสญฺญสตฺเต ตตฺถ ฆานินฺทฺริยญฺจ น อุปฺปชฺชิสฺสติ อุเปกฺขินฺทฺริยญฺจ น อุปฺปชฺชิสฺสติฯ
(ข) ยตฺถ วา ปน อุเปกฺขินฺทฺริยํ น อุปฺปชฺชิสฺสติ ตตฺถ ฆานินฺทฺริยํ น อุปฺปชฺชิสฺสตีติ? อามนฺตาฯ
ยตฺถ ฆานินฺทฺริยํ น อุปฺปชฺชิสฺสติ ตตฺถ สทฺธินฺทฺริยํ…เป.… ปญฺญินฺทฺริยํ…เป.… มนินฺทฺริยํ น อุปฺปชฺชิสฺสตีติ?
รูปาวจเร อรูปาวจเร ตตฺถ ฆานินฺทฺริยํ น อุปฺปชฺชิสฺสติ, โน จ ตตฺถ มนินฺทฺริยํ น อุปฺปชฺชิสฺสติฯ อสญฺญสตฺเต ตตฺถ ฆานินฺทฺริยญฺจ น อุปฺปชฺชิสฺสติ มนินฺทฺริยญฺจ น อุปฺปชฺชิสฺสติฯ
ยตฺถ วา ปน มนินฺทฺริยํ น อุปฺปชฺชิสฺสติ ตตฺถ ฆานินฺทฺริยํ น อุปฺปชฺชิสฺสตีติ? อามนฺตาฯ (ฆานินฺทฺริยมูลกํ)
[319] (ก) ยตฺถ อิตฺถินฺทฺริยํ น อุปฺปชฺชิสฺสติ ตตฺถ ปุริสินฺทฺริยํ น อุปฺปชฺชิสฺสตีติ? อามนฺตาฯ
(ข) ยตฺถ วา ปน ปุริสินฺทฺริยํ น อุปฺปชฺชิสฺสติ ตตฺถ อิตฺถินฺทฺริยํ น อุปฺปชฺชิสฺสตีติ? อามนฺตา …เป.…ฯ
[320] (ก) ยตฺถ ปุริสินฺทฺริยํ น อุปฺปชฺชิสฺสติ ตตฺถ ชีวิตินฺทฺริยํ น อุปฺปชฺชิสฺสตีติ? อุปฺปชฺชิสฺสติฯ
(ข) ยตฺถ วา ปน ชีวิตินฺทฺริยํ น อุปฺปชฺชิสฺสติ ตตฺถ ปุริสินฺทฺริยํ น อุปฺปชฺชิสฺสตีติ? นตฺถิฯ
(ก) ยตฺถ ปุริสินฺทฺริยํ น อุปฺปชฺชิสฺสติ ตตฺถ โสมนสฺสินฺทฺริยํ น อุปฺปชฺชิสฺสตีติ?
รูปาวจเร ตตฺถ ปุริสินฺทฺริยํ น อุปฺปชฺชิสฺสติ, โน จ ตตฺถ โสมนสฺสินฺทฺริยํ น อุปฺปชฺชิสฺสติฯ อสญฺญสตฺเต อรูเป ตตฺถ ปุริสินฺทฺริยญฺจ น อุปฺปชฺชิสฺสติ โสมนสฺสินฺทฺริยญฺจ น อุปฺปชฺชิสฺสติฯ
(ข) ยตฺถ วา ปน โสมนสฺสินฺทฺริยํ น อุปฺปชฺชิสฺสติ ตตฺถ ปุริสินฺทฺริยํ น อุปฺปชฺชิสฺสตีติ? อามนฺตาฯ
(ก) ยตฺถ ปุริสินฺทฺริยํ น อุปฺปชฺชิสฺสติ ตตฺถ อุเปกฺขินฺทฺริยํ น อุปฺปชฺชิสฺสตีติ?
รูปาวจเร อรูปาวจเร ตตฺถ ปุริสินฺทฺริยํ น อุปฺปชฺชิสฺสติ, โน จ ตตฺถ อุเปกฺขินฺทฺริยํ น อุปฺปชฺชิสฺสติฯ อสญฺญสตฺเต ตตฺถ ปุริสินฺทฺริยญฺจ น อุปฺปชฺชิสฺสติ อุเปกฺขินฺทฺริยญฺจ น อุปฺปชฺชิสฺสติฯ
(ข) ยตฺถ วา ปน อุเปกฺขินฺทฺริยํ น อุปฺปชฺชิสฺสติ ตตฺถ ปุริสินฺทฺริยํ น อุปฺปชฺชิสฺสตีติ? อามนฺตาฯ
ยตฺถ ปุริสินฺทฺริยํ น อุปฺปชฺชิสฺสติ ตตฺถ สทฺธินฺทฺริยํ…เป.… ปญฺญินฺทฺริยํ…เป.… มนินฺทฺริยํ น อุปฺปชฺชิสฺสตีติ?
รูปาวจเร อรูปาวจเร ตตฺถ ปุริสินฺทฺริยํ น อุปฺปชฺชิสฺสติ, โน จ ตตฺถ มนินฺทฺริยํ น อุปฺปชฺชิสฺสติฯ อสญฺญสตฺเต ตตฺถ ปุริสินฺทฺริยญฺจ น อุปฺปชฺชิสฺสติ มนินฺทฺริยญฺจ น อุปฺปชฺชิสฺสติฯ
ยตฺถ วา ปน มนินฺทฺริยํ น อุปฺปชฺชิสฺสติ ตตฺถ ปุริสินฺทฺริยํ น อุปฺปชฺชิสฺสตีติ? อามนฺตาฯ (ปุริสินฺทฺริยมูลกํ)
[321] (ก) ยตฺถ ชีวิตินฺทฺริยํ น อุปฺปชฺชิสฺสติ ตตฺถ โสมนสฺสินฺทฺริยํ น อุปฺปชฺชิสฺสตีติ? นตฺถิฯ
(ข) ยตฺถ วา ปน โสมนสฺสินฺทฺริยํ น อุปฺปชฺชิสฺสติ ตตฺถ ชีวิตินฺทฺริยํ น อุปฺปชฺชิสฺสตีติ? อุปฺปชฺชิสฺสติฯ
ยตฺถ ชีวิตินฺทฺริยํ น อุปฺปชฺชิสฺสติ ตตฺถ อุเปกฺขินฺทฺริยํ…เป.… สทฺธินฺทฺริยํ…เป.… ปญฺญินฺทฺริยํ…เป.… มนินฺทฺริยํ น อุปฺปชฺชิสฺสตีติ? นตฺถิฯ
ยตฺถ วา ปน มนินฺทฺริยํ น อุปฺปชฺชิสฺสติ ตตฺถ ชีวิตินฺทฺริยํ น อุปฺปชฺชิสฺสตีติ? อุปฺปชฺชิสฺสติฯ (ชีวิตินฺทฺริยมูลกํ)
[322] ยตฺถ โสมนสฺสินฺทฺริยํ น อุปฺปชฺชิสฺสติ ตตฺถ อุเปกฺขินฺทฺริยํ…เป.… สทฺธินฺทฺริยํ…เป.… ปญฺญินฺทฺริยํ…เป.… มนินฺทฺริยํ น อุปฺปชฺชิสฺสตีติ? อามนฺตาฯ
ยตฺถ วา ปน มนินฺทฺริยํ น อุปฺปชฺชิสฺสติ ตตฺถ โสมนสฺสินฺทฺริยํ น อุปฺปชฺชิสฺสตีติ? อามนฺตาฯ (โสมนสฺสินฺทฺริยมูลกํ)
[323] ยตฺถ อุเปกฺขินฺทฺริยํ น อุปฺปชฺชิสฺสติ ตตฺถ สทฺธินฺทฺริยํ…เป.… ปญฺญินฺทฺริยํ…เป.… มนินฺทฺริยํ น อุปฺปชฺชิสฺสตีติ? อามนฺตาฯ
ยตฺถ วา ปน มนินฺทฺริยํ น อุปฺปชฺชิสฺสติ ตตฺถ อุเปกฺขินฺทฺริยํ น อุปฺปชฺชิสฺสตีติ? อามนฺตาฯ (อุเปกฺขินฺทฺริยมูลกํ)
[324] ยตฺถ สทฺธินฺทฺริยํ น อุปฺปชฺชิสฺสติ ตตฺถ ปญฺญินฺทฺริยํ…เป.… มนินฺทฺริยํ น อุปฺปชฺชิสฺสตีติ? อามนฺตาฯ
ยตฺถ วา ปน มนินฺทฺริยํ น อุปฺปชฺชิสฺสติ ตตฺถ สทฺธินฺทฺริยํ น อุปฺปชฺชิสฺสตีติ? อามนฺตาฯ (สทฺธินฺทฺริยมูลกํ)
[325] (ก) ยตฺถ ปญฺญินฺทฺริยํ น อุปฺปชฺชิสฺสติ ตตฺถ มนินฺทฺริยํ น อุปฺปชฺชิสฺสตีติ? อามนฺตาฯ
(ข) ยตฺถ วา ปน มนินฺทฺริยํ น อุปฺปชฺชิสฺสติ ตตฺถ ปญฺญินฺทฺริยํ น อุปฺปชฺชิสฺสตีติ? อามนฺตาฯ (ปญฺญินฺทฺริยมูลกํ)
(จ) ปจฺจนีกปุคฺคโลกาสา
[326] (ก) ยสฺส ยตฺถ จกฺขุนฺทฺริยํ น อุปฺปชฺชิสฺสติ ตสฺส ตตฺถ โสตินฺทฺริยํ น อุปฺปชฺชิสฺสตีติ? อามนฺตาฯ
(ข) ยสฺส วา ปน ยตฺถ โสตินฺทฺริยํ น อุปฺปชฺชิสฺสติ ตสฺส ตตฺถ จกฺขุนฺทฺริยํ น อุปฺปชฺชิสฺสตีติ? อามนฺตาฯ
